तरूणाचा हवेत गोळीबार करताना

 

महाराष्ट्राच्या विकासाला नवीन दिशा देणाऱ्या नागपूर येथील समृद्धी महामार्गावर एक धक्कादायक प्रकार घडला आहे. एका तरुणाने या महामार्गावर उभे राहून हवेत केल्याची घटना उजेडात आली आहे

घटनेचा व्हिडिओ सध्या सोशल मीडियामध्ये व्हायरल झाला आहे. हा तरुण मनोविकृत आहे का? किंवा त्याने गोळीबाराची स्टंटबाजी केली आहे का? या अनुषंगाने सध्या घटनेचा पुढील पोलीस तपास सुरू असल्याचे समजते. महाराष्ट्राचे उपमुख्यमंत्री देवेंद्र फडणवीस यांचा महत्त्वकांक्षी प्रकल्प म्हणून समृद्धी महामार्गाकडे पाहिले जात आहे.

महामार्गाचे उद्घाटन होऊन काही दिवस उलटत नाही तोच वेगवेगळ्या धक्कादायक प्रकार घडण्याची मालिका सुरू आहे. तरुणाने हवेत गोळीबार करून नेमके काय साध्य केले? असा सवाल सोशल मीडियामध्ये उपस्थित केला जात आहे 

या तरुणाची ओळख अद्याप पटली नाही. या दोन-तीन दिवसातच हा व्हिडिओ अपलोड करण्यात आला आहे. पोलीस या तरुणाची ओळख पटवण्याचा प्रयत्न करत आहेत.