नऊ वर्षाच्या मुलीवर अत्याचार

 

एका नऊ वर्षाच्या मुलीवर लैंगिक अत्याचार करत तिची गळा चिरून हत्या केल्याचा संतापजनक प्रकार कल्याणमध्ये समोर आला आहे.

घटनेमुळे शहरात एकच खळबळ उडाली आहे. या प्रकरणातील संशयित आरोपीला पोलिसांनी ताब्यात घेतलं असून हा आरोपी अल्पवयीन असल्याची माहिती सूत्रांनी दिली. दरम्यान मृत पीडिता व संशयित दोघेही फिरस्ता असल्याची माहिती पोलिसांनी दिली.

आज सकाळच्या सुमारास कल्याण रेल्वे स्टेशन परिसरातील न्यू मोनिका इमारतीच्या आवारात एक नऊ वर्षाच्या मुलीचा मृतदेह आढळून आला. स्थानिक नागरिकांनी याबाबत महात्मा फुलेनगर पोलिसाना माहिती दिली. घटनेची माहिती मिळताच पोलिसांनी तात्काळ घटनास्थळी धाव घेतली. या अल्पवयीन मुलीवर लैंगिक अत्याचार करत तिची गळाचिरून हत्या करण्यात आली होती. पोलिसांनी या प्रकरणाचा तपास सुरू केला आहे. चौकशी दरम्यान ही मुलगी फिरस्ता असल्याची माहिती मिळताच पोलिसांनी या परिसरातील फिरस्त्यांची चौकशी सुरू केली.