विवाहितेची गळफास घेऊन आत्महत्या

 

विवाहित असतानाही बाहेर मुलींबरोबर अनैतिक संबंध  ठेवून घरात सातत्याने भांडणे करुन आय टी इंजिनिअर असलेला पती त्रास देत होता.

सततच्या भांडणामुळे होणार्‍या मानसिक त्रासाला कंटाळून विवाहितेने गळफास घेऊन आत्महत्या केली. विमानतळ पोलिसांनी अशा बाहेरख्याली पतीला अटक  केली आहे. 

विकास दामू शेळके (वय ३०, रा. पठारे वस्ती, लोहगाव) असे या पतीचे नाव आहे. सारीका विकास शेळके (वय २७) असे आत्महत्या केलेल्या विवाहितेचे नाव आहे. ही घटना पठारे वस्तीत रविवारी पहाटे ४ वाजून २० मिनिटांनी घडली.

याप्रकरणी तिचे वडिल शामराव रामचंद्र पाटील  (वय ५५, रा. आळतुर, ता. शाहुवाडी, जि. कोल्हापूर) यांनी विमानतळ पोलीस ठाण्यात  फिर्याद (गु. रजि. नं. ४११/२२) दिली आहे. 

याबाबत पोलिसांनी दिलेल्या माहितीनुसार, सारीका आणि विकास यांचा ७ वर्षापूर्वी विवाह झाला होता.
विकास याचे बाहेर संबंध असल्याने तो सारीकाशी सतत भांडणे उकरुन काढत असे.
या त्रासाला कंटाळून सारीका हिने सुसाईड नोट लिहून पहाटे राहत्या घरी गळफास घेऊन आत्महत्या केली.
पोलिसांना सारीकाच्या अंगावरील कपड्यांमध्ये सुसाईड नोट मिळाली.