डोके आत आणि धड बाहेर....!

 

वाराणसीच्या  सारनाथ भागात सोमवारी सकाळी एक धक्कादायक प्रकार उघडकीस आला. सकाळी लोक घराबाहेर पडले तेव्हा त्यांना एका यंत्रमागाच्या दारात तरुणाचा मृतदेह अडकलेला दिसला.

चोरीच्या उद्देशाने घुसलेल्या चोरट्याचा दरवाज्यात अडकल्याने मृत्यू झाल्याचा दावा केला जात आहे.

वाराणसीमध्ये चोराच्या  मृत्यूच्या एका विचित्र प्रकरणाने सर्वांनाच हैराण केले आहे. चोरीच्या प्रयत्नात तरुणाचे डोके दारात अडकले तर उर्वरित शरीर बाहेरच राहिल्याचा दावा करत एक छायाचित्र शेअर केले जात आहे. त्यामुळे त्यांचा मृत्यू झाला. ही धक्कादायक घटना वाराणसीच्या सारनाथ भागातील दनियालपूरची आहे. सारनाथ पोलीस स्टेशन हद्दीतील दनियालपूर भागात असलेल्या पॉवरलूम सेंटरच्या दरवाजात अडकून एका तरुणाचा मृत्यू झाला. चोरीच्या उद्देशाने यंत्रमागात प्रवेश करताना चोरट्याचे डोके दारात अडकले असावे आणि ते सोडवण्याच्या प्रयत्नात त्याचा मृत्यू झाल्याचे सांगण्यात येत आहे.